Kisi ajnabi ko mera .....

Kisi ajnabi ko mera likha suna raha tha wo

Bikhray huye khuawb k Purzay utha raha tha wo

Umar bhar pista raha wo rishtOn ki chakki main

Baaqi rahe rishtOn se daaman churra raha tha wo

Apni zidd to wo puri na kar saka

Ruthay huway bachOn ko mana raha tha wo

Sehra main khile phool ko bachanay k liye

Apne ashkOn se uski pyaas mita raha tha wo

Uski yaadOn ko kuch is tarah bhula raha tha

Apne haathOn apna likha mita raha tha wo

Sirf kirdaar hi to badlay thay usne

Apni hi kahani suna raha tha wo

Kahein Aah ban k.....

By Salik

Dil Ki Baat Zaban Tak Lana....

il ki baat

Dil Ki Baat Zaban Tak Lana Kitna Mushkil Hai

Halay Dil Auroon Ko Sunana Kitna Mushkil Hai

Aik Humain Hai Teri Chahat,Aik Dunya Ki Majbori

Beech Samandar Diya Jalana Kitna Mushkil Hai

Tum Dunya Ki Shedai Ho,Main Sapnoon Ka Bashinda

Sath Humain Yuhn Tera Nibhana Kitna Mushkil Hai

Aik Naye Dunya Ki Chahat Lay Aye Hai Kitni Dor

Wapis Laut K Ghar Ko Jana Kitna Mushkil Hai

Wehshat K Saaz Pay Raksaan Matam K Kuch Alfaaz

In Hontoon Pay Geet Sajana Kitna Mushkil Hai

Apnay Hontoon Say Ana K Talay Hum Say Na Khol Payen Gain

Dor Hotay Sathi Ko Bholna Mitna Mushkil Hai

Ab Tu Har Aik Hi Hum Ko Dard Ka Mara Lagta Hai

Apnay Zakham Logon Ko Dekhana Kitna Mushkil Hai

Dil chahta hai ke us se shikway shikayat karoon Lekin !
sochta hoon ke woh mera kia lagta hai?
Dil chahta hai ke us se toot kar pyar karoon Lekin !
sochta hoon ke woh mera kia lagta hai?
Dil chahta hai ke us ke seenay se lag kar so jaoon Lekin !
sochta hoon ke woh mera kia lagta hai?
Dil chahta hai us se laroon aur phir m manaoon Lekin !
sochta hoon ke woh mera kia lagta hai?
Dil chahta hai ke us ko aaj bata he doon Ke
... woh he mera sub kuch lagta hai

Woh Chahta Thaa...

Woh Chahta Tha Phir Bhi Koi Guftago Na Ki
Main Nay Bhi Poochnay Ki Justojoo Na Ki
Baithay Rahay Chup Chap Hum Pardah Nasheen Key Paas
Musa Ki Tarahan Dekhnay Ki Arzoo Na Ki
Woh Hay Nasha-e-Ishq Ki Lazat Say Bay KhabarJ
is Nay Ye Zindagi Kabhi Nazar-e-Sobo Na Ki
Karta Raha Biyaan Woh Geeroon Kay Samanay
Us Nay Kabhi Shekayat Merey Roo-ba-Roo Na Ki
KyuN Dil Mein Chuppaye Rakhay Hain Hum Nay Raaz-e-Ishq
Ahel-e-Janoon Ki Baat Kabhi Koo-ba-Koo Na Ki
Milta Nahi Hay Us Ko Shahadat Ka Martaba
Rah-e-Kudha Mein Jis Nay Ye Gardan Lahoo Na Ki

Kabhi subho to kabhi shaam....

Kabhi subho to kabhi shaam ley gaya mujh se,

Tumhara dard kai kaam ley gaya mujh se

Mujhey khabar bhi na howi or zamana jatey jatey

Nazar bacha ke tera naam ley gaya mujh se

Usey Zaroorat thi Ghar basaaney ki

woh aa ke mere dar-o-baam ley gaya mujh se

bhala kahan koi Juz uskey milney wala tha

Bus aik jurrat-e-nakaam ley gaya mujh se

bus ik lamha ke sach jhoot ke aviz

Tamaam umer ka ilzaam ley gaya mujh sey

From My Dairy

Sab se Chuppa Ker Dard, Jo Woh Muskura Diya

Us Ki Hansi Ney To Aaj Mujhey Rulla Diya

Lehjey Sey Uth Raha Tha Her Ik Dard Ka Duhan

Chehra Bata Raha Tha Kay Kuch Ganwa Diya

Awaz Main Thehrao Tha Aankhon Main Nammi Thi

Aur Keh Raha Tha K Main Ne Sab Kuch Bhulla Diya

Janey Kiya Usko Logoon Sey Thin Shikayaten

Tanhayon Kay Dais Main Khud Ko Basa Diya

Khud Bhi Woh Hum se Bicher Ker Adhura Sa Ho Giya

Mujh Ko Bhi Itnay Logon Main Tanha Bana Diya...!!!